Mirza Daood Beg

jab vo mah-e-rukhsaar yakaayak nazar aayaa

جب وہ مہ رخسار یکایک نظر آیا اس ماہ کی طلعت سوں سورج دل میں در آیا تیرے رخ روشن کوں سیہ خط میں سریجن دیکھا سو کہا ابر سیہ میں قمر آیا گلشن میں چل اے سرو سہی سیر کی خاطر تجھ واسطے لے گل طبق نقد زر آیا تجھ جام نین میں ہے عجب بادۂ سرشار یک دید ستی جس کے ہو دل بے خبر آیا محتاج کبوتر نہیں مجھ شوق کا نامہ قاصد ہو مرا دل لے سجن کی خبر آیا کہتے ہیں سب اہل سخن اس شعر کوں سن کر تجھ طبع میں داؤدؔ ولیؔ کا اثر آیا

fariyaad sadaa-e-nafas aavaaz-e-jaras hai

فریاد صدائے نفس آواز جرس ہے کیا قافلۂ عمر کوں چلنے کا ہوس ہے جو صاف دل ہے اس میں کدورت کا اثر نیں ہر چند اگر دشمن آئینہ نفس ہے لیتا ہوں اپس مدرسۂ دل میں سبق میں اس شوخ مدرس کا وہاں جب سوں درس ہے یک لمحہ نہ ہو مجھ سوں جدا اے مہ تاباں ہر آن ترے ہجر کا مجھ حق میں برس ہے داؤدؔ نہ کر پرسش محشر ستی کچھ خوف واں آل محمدؐ کی شفاعت تجھے بس ہے

dekh laTkaa sajan teri laT kaa

دیکھ لٹکا سجن تیری لٹ کا اس کی ہر مو بہ مو میں دل اٹکا آب تیغ نگہ کے پیاسے کوں کم نگاہی کا مار مت پھٹکا غمزہ تیرا عجب سپاہی ہے جس کی دہشت سوں بو الہوس سٹکا عشق کا زہر اس سوں کیوں تیرے ناگ تجھ زلف کا جسے چٹکا مستعد ہیں تیرے یو مردم چشم مجھ کو ابرو کا مارنے سٹ کا ہوش داؤدؔ کا ہوا لٹ پٹ دیکھ کر تیری ناز کا لٹکا

'ishq ne tujh khaal ke mujh kuun khayaali kiyaa

عشق نے تجھ خال کے مجھ کوں خیالی کیا دل کوں خیالات سوں غیر کے خالی کیا فکر پہنچتی نہیں مصرعۂ ثانی کہوں حق نے تیرے قد کے تئیں مصرعہ عالی کیا ہجر میں جاگیر عیش مجنوں ہوئی تھی تغیر وصل کے دیوان نے پھر کے بحالی کیا گلشن عشرت کا وہ کیوں نہ نظارہ کرے تجھ چمن حسن کا دل کوں جو مالی کیا بوسہ اسے دے جواب یو ہے جو اب صواب تجھ انگے داؤدؔ نے لب کوں سوالی کیا

gulshan-e-jag mein zaraa rang-e-mohabbat niin hai

گلشن جگ میں ذرا رنگ محبت نیں ہے بلبل دل کوں کسی ساتھ اب الفت نیں ہے آشنائی سیتی مردم کے ہوں از بس بیزار رخ درپن کی طرف چشم کوں رغبت نیں ہے کیا عجب ہے جو دیا جان کو یکبار پتنگ تا سحر شمع کوں جلنے سیتی فرصت نیں ہے کیوں گریباں کوں کیا چاک ز سر تا داماں گل کوں بلبل سوں اگر طرز مروت نیں ہے مجھ کوں باور نہیں پیغام زبانی قاصد کیا سبب ہے کہ ترے ہاتھ کتابت نیں ہے منتخب کر کے ورق دل پہ لکھے ہیں احباب گرچہ ظاہر میں مرے شعر کی شہرت نیں ہے ناتوانی ستی برجا ہے علامت نہ کرو رنگ داؤدؔ کوں پرواز کی طاقت نیں ہے

jo baada mohabbat kaa tiri nosh kiyaa hai

جو بادہ محبت کا تری نوش کیا ہے یک بار وو عالم کوں فراموش کیا ہے اے ساقیٔ بدمست مئے عشق نے تیری لے ہوش مجھے ہوش سوں بے ہوش کیا ہے تجھ بر میں سجن جلوہ نما سرخ قبا دیکھ خون دل عشاق نے پھر جوش کیا ہے جس دن سوں مرے بر میں وو گل پیرہن آیا اس دن سوں مجھ آغوش کو گل پوش کیا ہے سیمیں بدن آغوش میں دستا ہے مری یوں جیوں ماہ کوں ہالے نے ہم آغوش کیا ہے پایا ہے مجھے سرو قد یار کا مائل میرے سخن راست کوں جو گوش کیا ہے داؤدؔ تعجب ہے کہ وو یار وفادار یک بارگی عاشق کوں فراموش کیا ہے