yak qadam raah-e-dost hai 'daaud' — Mirza Daood Beg

dekhnaa hai piyaa ki zulf-e-daraaz
yaa ilaahi mujhe de umr-e-daraaz

har kitaab-e-sohbat-e-rangin ke maani dekh kar
fard-e-tanhaai ke mazmun kuun kiyaa huun intikhaab

'vali' saani nahin daaud lekin
ghazal kahtaa hai har ik baa-talaazum

piv binaa dil miraa udaasi hai
gaah jogi hai gaah sanyaasi hai

sun nasihat miri ai zaahid-e-khushk
ashk ke aab bin vuzu mat kar

sar kaaT kyuun jalaate hain raushan dilaan ke taiin
aahan-dili pe khalq ki khandaan huun misl-e-shama

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin