hamaare khuun se luThDe hue hain haath us ke — Imran Aami

is liye sab se alag hai miri khushbu 'aami'
mushk-e-mazdur pasine mein liye phirtaa huun

hamaare khvaab salaamat rahein tumhaare saath
ye baat kaafi hai duniyaa ki niind uDaane ko

ham-saae mein shaitaan bhi rahtaa hai khudaa bhi
jannat bhi mayassar hai jahannam ki havaa bhi

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'baani' zaraa sambhal ke mohabbat kaa moD kaaT
ik haadsa bhi taak mein hogaa yahin kahin

dil-e-tabaah mein aabaad hai zamaane se
ik aisi baat jo khulti hai muskuraane se

kisi laashe pe ye baad-e-sabaa kahti hui guzri
shahid-e-ishq hai is ke lahu ko taaza kahte hain

aain-e-ishq yuun bhi badalnaa thaa ek din
jo baat vasl se thi vo ab guftugu se hai