usi darakht ko mausam ne be-libaas kiyaa — Imtiyaz Saghar

hogaa bahut shadid tamaazat kaa intiqaam
saae se mil ke roegi divaar dekhnaa

hain ghar ki muhaafiz miri dahki hui aankhein
main taaq mein rakh aayaa huun jalti hui aankhein

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

meri aavaaz mire jism mein yuun gunjti hai
jaise sahraa mein koi dard ki maari aavaaz

jab sadaa suur ki gunjegi zamaane-bhar mein
ik farishte mein simaT aaegi saari aavaaz