us ne is tarah se badla hai ravayya apnaa — Inaam Azmi

mujhe pata hai mohabbat mein kyaa guzarti hai
so tujh se ishq nahin tujh se dosti karungaa

andhere is liye rahte hain saath saath mire
ye jaante hain main ik roz raushni karungaa

log jaise bhi hon pairon ke tale rakhte hain
itnaa aasaan nahin hotaa hai zamin honaa dost

ab us se kahnaa ki agle hisse mein aane vaalaa hai moD aisaa
jahaan kisi kaa main hal banungaa koi miraa masala banegaa

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jo ghair the vo isi baat par hamaare hue
ki ham se dost bahut be-khabar hamaare hue

barseingi aaj rahmatein aamad hai yaar ki
naayaab hain ye ghaDiyaan tire intizaar ki