andhere is liye rahte hain saath saath mire — Inaam Azmi

mujhe pata hai mohabbat mein kyaa guzarti hai
so tujh se ishq nahin tujh se dosti karungaa

log jaise bhi hon pairon ke tale rakhte hain
itnaa aasaan nahin hotaa hai zamin honaa dost

ab us se kahnaa ki agle hisse mein aane vaalaa hai moD aisaa
jahaan kisi kaa main hal banungaa koi miraa masala banegaa

us ne is tarah se badla hai ravayya apnaa
puchhnaa paDtaa hai har vaqt tumhin ho naa dost

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ruuh kis mast ki pyaasi gai mai-khaane se
mai uDi jaati hai saaqi tire paimaane se

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa