bahut nazdik aati jaa rahi ho — Jaun Elia

chaand ne taan li hai chaadar-e-abr
ab vo kapDe badal rahi hogi

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

kyaa kahaa ishq jaavedaani hai!
aakhiri baar mil rahi ho kyaa

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

dil mein na ho jurat to mohabbat nahin milti
khairaat mein itni baDi daulat nahin milti

ye sochaa hai ki tujh ko sochnaa ab chhoD dungaa main
ye laghzish mujh se lekin be-iraada ho hi jaati hai

jab aap hi ko paas nahin rasm-o-raah kaa
kyaa faaeda jo ho bhi iraada nibaah kaa

ek moti huun main moti bhi baDaa qimti huun
par vo moti jo abhi gum hai samundar mein kahin

tumhaare baa'd khudaa jaane kyaa huaa dil ko
kisi se rabt baDhaane kaa hausla na huaa