tumhaare baa'd khudaa jaane kyaa huaa dil ko — Saifuddin Saif

husn jalva dikhaa gayaa apnaa
ishq baiThaa rahaa udaas kahin

shor din ko nahin sone detaa
shab ko sannaaTaa jagaa detaa hai

ye aalaam-e-hasti ye daur-e-zamaana
to kyaa ab tumhein bhuul jaanaa paDegaa

us musaafir ki naqaahat kaa Thikaana kyaa hai
sang-e-manzil jise divaar nazar aane lage

'saif' andaaz-e-bayaan rang badal detaa hai
varna duniyaa mein koi baat nai baat nahin

zindagi kis tarah kaTegi 'saif'
raat kaTti nazar nahin aati

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

jazba-e-be-ikhtiyaar-e-shauq dekhaa chaahiye
sina-e-shamshir se baahar hai dam shamshir kaa

khudaayaa jazba-e-dil ki magar taasir ulTi hai
ki jitnaa khinchtaa huun aur khinchtaa jaae hai mujh se

raat kitni guzar gai lekin
itni himmat nahin ki ghar jaaein

himmat vaale pal mein badal dete hain duniyaa ko
sochne vaalaa dil to baiThaa sochaa kartaa hai

sar pe tufaan bhi hai saamne girdaab bhi hai
meri himmat ki vahi kachchaa ghaDaa hai dekho