haath phir baDh rahaa hai su-e-jaam — Javed Kamal Rampuri

agar sukun se umr-e-aziz khonaa ho
kisi ki chaah mein khud ko tabaah kar liije

— Javed Kamal Rampuri

ab to aa jaao rasm-e-duniyaa ki
main ne divaar bhi giraa di hai

— Javed Kamal Rampuri

haae vo log ham se ruuTh gae
jin ko chaahaa thaa zindagi ki tarah

— Javed Kamal Rampuri

phir kai zakhm-e-dil mahak uTThe
phir kisi bevafaa ki yaad aai

— Javed Kamal Rampuri

vahi be-vajh udaasi vahi be-naam khalish
raah-o-rasm-e-dil-e-naakaam se ji Dartaa hai

— Javed Kamal Rampuri

din ke siine mein dhaDakte hue lamhon ki qasam
shab ki raftaar-e-subuk-gaam se ji Dartaa hai

— Javed Kamal Rampuri

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

intihaa ke qarib hai duniyaa
aadmi aakhiri sadi kaa huun

— Zubair Khayali