ham ne to khud ko bhi miTaa Daalaa — Khalilur Rahman Azmi

teri gali se chhuT ke na jaa-e-amaan mili
ab ke to meraa ghar bhi miraa ghar na ho sakaa

— Khalilur Rahman Azmi

jaane kyuun ik khayaal saa aayaa
main na hungaa to kyaa kami hogi

— Khalilur Rahman Azmi

tiri vafaa mein mili aarzu-e-maut mujhe
jo maut mil gai hoti to koi baat bhi thi

— Khalilur Rahman Azmi

azal se thaa vo hamaare vajud kaa hissa
vo ek shakhs ki jo ham pe mehrbaan huaa

— Khalilur Rahman Azmi

tere na ho sake to kisi ke na ho sake
ye kaarobaar-e-shauq mukarrar na ho sakaa

— Khalilur Rahman Azmi

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai

— Khalilur Rahman Azmi

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

kuchh to majburiyaan rahi hongi
yuun koi bevafaa nahin hotaa

— Bashir Badr

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

yaar main itnaa bhukaa huun
dhokaa bhi khaa letaa huun

— Aks Samastipuri

tum aur fareb khaao bayaan-e-raqib se
tum se to kam gila hai ziyaada nasib se

— Agha Hashr Kashmiri