tiri vafaa mein mili aarzu-e-maut mujhe — Khalilur Rahman Azmi

teri gali se chhuT ke na jaa-e-amaan mili
ab ke to meraa ghar bhi miraa ghar na ho sakaa

jaane kyuun ik khayaal saa aayaa
main na hungaa to kyaa kami hogi

azal se thaa vo hamaare vajud kaa hissa
vo ek shakhs ki jo ham pe mehrbaan huaa

tere na ho sake to kisi ke na ho sake
ye kaarobaar-e-shauq mukarrar na ho sakaa

aaj Duubaa huaa khushbu mein hai pairaahan-e-jaan
ai sabaa kis ne ye puchhaa hai tiraa naam-o-nishaan

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

khvaab hi mein nazar aa jaae shab-e-hijr kahin
so mujhe hasrat-e-didaar ne sone na diyaa

hain sab ye tire shikve kotaahi-e-ulfat se
kuchh dil ki taDap kam hai kuchh khaam tamannaa hai

zindagi kyaa jo basar ho chain se
dil mein thoDi si tamannaa chaahiye

'jalil' ik sher bhi khaali na paayaa dard o hasrat se
ghazal-khvaani nahin ye dar-haqiqat nauha-khvaani hai