ik guzaarish hai hazrat-e-naaseh — Khumar Barabankavi

yaad karne pe bhi dost aae na yaad
doston ke karam yaad aate rahe

jhunjhlaae hain lajaae hain phir muskuraae hain
kis ehtimaam se unhein ham yaad aae hain

ishq ke kaarobaar ko aksar
garmi-e-kaarobaar le Duubi

ik aansu kah gayaa sab haal dil kaa
na samjhaa thaa ye zaalim be-zabaan hai

chaar din kaa hi saath thaa lekin
zindagi ai 'khumaar' le Duubi

mire raahbar mujh ko gumraah kar de
sunaa hai ki manzil qarib aa gai hai