jhunjhlaae hain lajaae hain phir muskuraae hain — Khumar Barabankavi

gham hai na ab khushi hai na ummid hai na yaas
sab se najaat paae zamaane guzar gae

hairat hai tum ko dekh ke masjid mein ai 'khumaar'
kyaa baat ho gai jo khudaa yaad aa gayaa

mire raahbar mujh ko gumraah kar de
sunaa hai ki manzil qarib aa gai hai

yaad karne pe bhi dost aae na yaad
doston ke karam yaad aate rahe

haal-e-gham kah ke gham baDhaa baiThe
tiir maare the tiir khaa baiThe

duaa ye hai na hon gumraah ham-safar mere
'khumaar' main ne to apnaa safar tamaam kiyaa

mere khvaabon ke jharokon ko sajaate rahiye
na sahi vasl magar yaad to aate rahiye

yunhi dil ne chaahaa thaa ronaa-rulaanaa
tiri yaad to ban gai ik bahaanaa

ne tiir kamaan mein hai na sayyaad kamin mein
goshe mein qafas ke mujhe aaraam bahut hai

yaad dilvaaiye un ko jo kabhi vaada-e-vasl
to vo kis naaz se farmaate hain ham bhuul gae

apni yaadein us se vaapas maang kar
main ne apne-aap ko yakjaa kiyaa

main agar TuuTaa to saaraa shahr bikhregaa 'nabil'
aisaa patthar huun fasil-e-shahr ki buniyaad kaa