sab se pahle ek vaadaa kijiye — Khusrau Kakorvi

mujh ko saudaai kiyaa rusvaa kiyaa
zulf phir uljhi ki uljhi rah gai

puchh lenaa thaa miloge yaa nahin
zindagi ab apni thoDi rah gai

ThanDi havaa hai aur ghaTaa hai ghiri hui
saaqi tiraa bhalaa ho bujhaa de lagi hui

ungliyaan uThne lagi hain bazm mein
yuun miri jaanib na dekhaa kijiye

zindagi pur-kaif banti hai yunhi
kijiye khun-e-tamannaa kijiye

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kaf-e-afsos malne se bhalaa ab faaeda kyaa hai
dil-e-raahat-talab kyuun ham na kahte the ye duniyaa hai

dil lene ke andaaz bhi kuchh siikh gayaa huun
sohbat mein hasinon ki bahut roz rahaa huun

kahaa jo main ne mere dil ki ik tasvir khinchvaa do
mangaa kar rakh diyaa ik shisha chaknaachur pahlu mein

dukhaa dete ho tum dil ko to baDh jaataa hai dil meraa
khushi hotaa huun aisaa main ki hans detaa huun riqqat mein