dil ek sadiyon puraanaa udaas mandir hai — Krishna Mohan

makaan andar se khasta ho gayaa hai
aur is mein ek rasta ho gayaa hai

— Krishna Mohan

jab bhi ki tahrir apni daastaan
teri hi tasvir ho kar rah gai

— Krishna Mohan

zindagi ke aakhiri lamhe khushi se bhar gayaa
ek din itnaa hansaa vo hanste hanste mar gayaa

— Krishna Mohan

jab bhi mile vo naa-gahaan jhuum uThe hain qalb o jaan
milne mein lutf hai agar milnaa ho kaam ke baghair

— Krishna Mohan

kirshn 'mohan' ye bhi hai kaisaa akelaa-pan ki log
maut se Darte hain main to zindagi se Dar gayaa

— Krishna Mohan

karein to kis se karein zikr-e-khaanaa-viraani
ki ham to aag nasheman ko khud lagaa aae

— Krishna Mohan

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi