kaTte kisi tarah se nahin haae kyaa karun — Lala Madhav Ram Jauhar

ai dost tujh ko rahm na aae to kyaa karun
dushman bhi mere haal pe ab aab-dida hai

apni zabaan se mujhe jo chaahe kah lein aap
baDh baDh ke bolnaa nahin achchhaa raqib kaa

jab kahte hain ham karte ho kyuun vaada-khilaafi
farmaate hain hans kar ye nai baat nahin hai

us ne phir kar bhi na dekhaa main use dekhaa kiyaa
de diyaa dil raah chalte ko ye main ne kyaa kiyaa

mal rahe hain vo apne ghar mehndi
ham yahaan eDiyaan ragaDte hain

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

ye kamra aur ye gard-o-ghubaar us kaa hai
vo jis ne aanaa nahin intizaar us kaa hai

tu bevafaa hai tiraa e'tibaar kaun kare
tamaam umr tiraa intizaar kaun kare

tamaam umr rahe meraa muntazir tu bhi
tamaam umr mire intizaar ko tarse

ab kaun muntazir hai hamaare liye vahaan
shaam aa gai hai lauT ke ghar jaaein ham to kyaa