talkhi tumhaare vaaz mein hai vaaizo magar — Mirza Mayal Dehlvi

ishq bhi kyaa chiiz hai sahal bhi dushvaar hai
un ko idhar dekhnaa mujh ko udhar dekhnaa

— Mirza Mayal Dehlvi

maanein jo meri baat muridaan-e-be-riyaa
dein shaikh ko kafan to Dubo kar sharaab mein

— Mirza Mayal Dehlvi

azmat-e-kaaba musallam hai magar but-kada mein
ek aaraam ye kaisaa hai ki kuchh duur nahin

— Mirza Mayal Dehlvi

milein kisi se to bad-naam hon zamaane mein
abhi gae hain vo mujh ko sunaa ke parde mein

— Mirza Mayal Dehlvi

tujh ko dekhaa na tire naaz-o-adaa ko dekhaa
teri har tarz mein ik shaan-e-khudaa ko dekhaa

— Mirza Mayal Dehlvi

mujhe kaafir hi bataataa hai ye vaaiz kam-bakht
main ne bandon mein kai baar khudaa ko dekhaa

— Mirza Mayal Dehlvi

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

— Riyaz Khairabadi

dil ki zakhmon ko kiyaa kartaa hai taaza har-dam
phir sitam ye hai ki rone bhi nahin detaa hai

— Zafar Anwar

khair dozakh mein mai mile na mile
shaikh-saahab se jaan to chhuTegi

— Faiz Ahmad Faiz