maanein jo meri baat muridaan-e-be-riyaa — Mirza Mayal Dehlvi

ishq bhi kyaa chiiz hai sahal bhi dushvaar hai
un ko idhar dekhnaa mujh ko udhar dekhnaa

azmat-e-kaaba musallam hai magar but-kada mein
ek aaraam ye kaisaa hai ki kuchh duur nahin

milein kisi se to bad-naam hon zamaane mein
abhi gae hain vo mujh ko sunaa ke parde mein

tujh ko dekhaa na tire naaz-o-adaa ko dekhaa
teri har tarz mein ik shaan-e-khudaa ko dekhaa

mujhe kaafir hi bataataa hai ye vaaiz kam-bakht
main ne bandon mein kai baar khudaa ko dekhaa

talkhi tumhaare vaaz mein hai vaaizo magar
dekho to kis maze ki hai talkhi sharaab mein

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe