Mirza Mayal Dehlvi

manen jo meri baat muridan-e-be-riya
den shaikh ko kafan to Dubo kar sharab men

maa.il ko jante bhi ho hazrat hain ek rind
kya e'tibar aap ke roze namaz ka

ishq bhi kya chiiz hai sahal bhi dushvar hai
un ko idhar dekhna mujh ko udhar dekhna

dil kya nigah-e-mast se mai-khana ban gaya
mazmun-e-ashiqana bhi rindana ban gaya

azmat-e-ka.aba musallam hai magar but-kada men
ek aram ye kaisa hai ki kuchh duur nahin

iman jaa.e ya rahe jo ho bala se ho
ab to nazar men vo but-e-kafir sama gaya

maanein jo meri baat muridaan-e-be-riyaa
dein shaikh ko kafan to Dubo kar sharaab mein

azmat-e-kaaba musallam hai magar but-kada mein
ek aaraam ye kaisaa hai ki kuchh duur nahin

milein kisi se to bad-naam hon zamaane mein
abhi gae hain vo mujh ko sunaa ke parde mein

tujh ko dekhaa na tire naaz-o-adaa ko dekhaa
teri har tarz mein ik shaan-e-khudaa ko dekhaa

mujhe kaafir hi bataataa hai ye vaaiz kam-bakht
main ne bandon mein kai baar khudaa ko dekhaa

ishq bhi kyaa chiiz hai sahal bhi dushvaar hai
un ko idhar dekhnaa mujh ko udhar dekhnaa