hai muddaton se khaana-e-zanjir be-sadaa — Mohammad Rafi Sauda

har sang mein sharaar hai tere zuhur kaa
muusaa nahin jo sair karun koh-e-tur kaa

jab yaar ne uThaa kar zulfon ke baal baandhe
tab main ne apne dil mein laakhon khayaal baandhe

fikr-e-maaash ishq-e-butaan yaad-e-raftagaan
is zindagi mein ab koi kyaa kyaa kiyaa kare

na kar 'saudaa' tu shikva ham se dil ki be-qaraari kaa
mohabbat kis ko deti hai miyaan aaraam duniyaa mein

saaqi gai bahaar rahi dil mein ye havas
tu minnaton se jaam de aur main kahun ki bas

ye to nahin kahtaa huun ki sach-much karo insaaf
jhuTi bhi tasalli ho to jiitaa hi rahun main

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

specialist pain-killer de to kaun saa?
''saare jahaan kaa dard hamaare jigar mein hai''

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

kiyaa dard-o-gham ne mujhe naa-umid
ki majnun ko ye hi thiin bimaariyaan