faqat aankhein charaaghon ki tarah se jal rahi hain — Mumtaz Athar

kabhi us ki maujon mein aflaak bahte mile hain
kabhi us ko kashti chalaate hue dekhtaa huun

mire khilaaf shahaadat hai mo'tabar sab ki
magar kisi se kisi kaa bayaan nahin miltaa

mujhe daaeron ke hujum mein kahin bhej de
miri vusaton ko davaam kar kaf-e-kuza-gar

'aks rakhtaa thaa na apni zaat mein apnaa koi
kitne chehre aainon ke saamne rakkhe gae

havaa jab kabhi saahili giit chheDe hue ho
main patton ko taali bajaate hue dekhtaa huun

vo paani mein jab apni chhab dekhtaa hai to main bhi
nadi chaandni mein nahaate hue dekhtaa huun

tumhaari saalgirah par yahi du'aa hai tumhein
falak pe jitne sitaare hon utni khushiyaan milein

falak detaa hai jin ko 'aish un ko gham bhi hote hain
jahaan bajte hain naqqaare vahaan maatam bhi hote hai

khaDaa huun zer-e-falak gumbad-e-sadaa mein 'munir'
ki jaise haath uThaa ho koi duaa ke liye

is jabin-e-araq-afshaan pe na chuniye afshaan
ye sitaare kahin mil jaaein na sayyaaron mein

aaj ki raat bhi guzri hai miri kal ki tarah
haath aae na sitaare tire aanchal ki tarah

hazaar raaste badle hazaar svaang rache
magar hai raqs mein sar par ik aasmaan vahi