aae kabhi to dasht se vo shahar ki taraf — Munawar Khan Ghafil

kucha-e-jaanaan mein yaaro kaun suntaa hai miri
mujh se vaan phirte hain laakhon daad aur be-daad mein

kaun dariyaa-e-mohabbat se utar saktaa hai paar
kashti-e-farhaad aakhir koh se Takraa gai

baad marne ke miri qabr pe aayaa 'ghaafil'
yaad aai mire iisaa ko davaa mere baad

jite-ji qadr bashar ki nahin hoti saahab
yaad aaegi tumhein meri vafaa mere baad

lailatul-qadr hai har shab use har roz hai iid
jis ne mai-khaane mein maah-e-ramazaan dekhaa hai

vasl mein bhi nahin majaal-e-sukhan
is rasaai pe naa-rasaa hain ham