ham anjuman mein sab ki taraf dekhte rahe — Mustafa Zaidi

inhin pattharon pe chal kar agar aa sako to aao
mire ghar ke raaste mein koi kahkashaan nahin hai

dil ke rishte ajiib rishte hain
saans lene se TuuT jaate hain

main usi koh-sifat khuun ki ik buund huun jo
reg-zaar-e-najaf o khaak-e-khuraasaan se milaa

aankh jhuk jaati hai jab band-e-qabaa khulte hain
tujh mein uThte hue khurshid ki uryaani hai

ishq in zaalimon ki duniyaa mein
kitni mazlum zaat hai ai dil

aandhi chali to naqsh-e-kaf-e-paa nahin milaa
dil jis se mil gayaa vo dobaaraa nahin milaa

dard jab zabt ki har had se guzar jaataa hai
khvaab tanhaai ki aaghosh mein so jaate hain

tiri yaadon se mahkaa hai meri tanhaai kaa aalam
qayaamat tak inhin tanhaaiyaan mein Dubnaa chaahun

aati jaati hui tanhaai ko pahchaantaa huun
ghar ke darvaaze pe baiThaa huun sadhaayaa huaa main

vo jo ik shor saa barpaa hai amal hai meraa
ye jo tanhaai barasti hai sazaa meri hai

ho gayaa mehmaan-saraa-e-kasrat-e-mauhum aah
vo dil-e-khaali ki teraa khaas khalvat-khaana thaa

qabr par kyaa huaa jo melaa hai
marne vaalaa niraa akelaa hai