phir ek baar laDaai thi apni suraj se — Najmus Saqib

dukh-bharaa shahr kaa manzar kabhi tabdil bhi ho
dard ko had se guzarte koi kab tak dekhe

main hi TuuT ke bikhraa aur na royaa vo
ab ke hijr ke mausam kitne jhuTe the

use be-numu kisi khvaab ne kahin gahri niind sulaa diyaa
use bhaa gai hain kahaavatein use bhi qafas mein sukun hai

anaa ki qaid se nikle muqaabla to kare
vo meraa saath nibhaane kaa hausla to kare

kaun hai jo har lamha suratein badaltaa hai
main kise samajhne ke marhalon mein zinda huun

ye jism TuuT ke hisson mein baTne vaalaa hai
phir is pe apni rivaayaat kuchh nahin hogaa