koi kis tarah raaz-e-ulfat chhupaae — Nakhshab Jaarchawi

vaade kaa e'tibaar to hai vaaqai mujhe
ye aur baat hai ki hansi aa gai mujhe

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

sabhi se jab mohabbat chaahte ho
mohabbat kyon nahin karte sabhi se

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

kisi se ishq apnaa kyaa chhupaaein
mohabbat Tapki paDti hai nazar se

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai