tere gaalon pe jab gulaal lagaa — Nasir Amrohvi

ab ke milne ki shart ye hogi
donon ghaDiyaan utaar pheinkeinge

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gul kiyaa jis ne vo thaa aur magar
shama ne shikva havaaon se kiyaa

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

na tu jaldi kar ai dast-e-junun naaseh ko siine de
bahaar aa pahunchi ab koi Thaharte hain rafu is ke

aazurda kuchh hain shaayad varna huzur mujh se
kyuun munh phulaa rahaa hai vo gul-ezaar apnaa