mauj-e-takhayyul gul kaa tabassum partav-e-shabnam bijli kaa saaya — Nisar Itavi

ye dil vaalon se puchho is ko dil vaale samajhte hain
bigaaD aai havaa zulfein kisi ki yaa sanvaar aai

— Nisar Itavi

kitne pur-haul andheron se guzar kar ai dost
ham tire husn ki rakhshanda sahar tak pahunche

— Nisar Itavi

yaqinan rahbar-e-manzil kahin par raastaa bhulaa
vagarna qaafile ke qaafile gum ho nahin sakte

— Nisar Itavi

aa dost saath aa dar-e-maazi se maang laaein
vo apni zindagi ki javaan bhi hasin bhi thi

— Nisar Itavi

dil mein kyaa kyaa gumaan guzarte hain
muskuraao na baat se pahle

— Nisar Itavi

subh bichhaD kar shaam kaa vaada shaam kaa honaa sahal nahin
un ki tamannaa phir kar lenaa subh ko pahle shaam karo

— Nisar Itavi

yaar main itnaa bhukaa huun
dhokaa bhi khaa letaa huun

— Aks Samastipuri

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi

— Firaq Gorakhpuri