kaun jaane thaa us kaa naam-o-numud — Qalaq Merathi

naala kartaa huun log sunte hain
aap se meraa kuchh kalaam nahin

har sang mein kaabe ke nihaan ishva-e-but hai
kyaa baani-e-islaam bhi ghaarat-gar-e-din thaa

amn aur tere ahd mein zaalim
kis tarah khaak-e-rahguzar baiThe

kasrat-e-sajda se pashemaan hain
ki tiraa naqsh-e-paa miTaa baiThe

dil ke har juzv mein judaai hai
dard uThe aabla agar baiThe

khud ko kabhi na dekhaa aaine hi ko dekhaa
ham se to kyaa ki khud se naa-aashnaa rahaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ishq kachche ghaDe pe Duub gayaa
lamha jab intizaar kaa aayaa

'sabaa' ham ne to hargiz kuchh na dekhaa jazb-e-ulfat mein
ghalat ye baat kahte hain ki dil ko raah hai dil se

ishq ke kuche mein jab jaataa hai dil karne ko sair
vaan nahin maalum hotaa roz hai yaa raat hai

ajab kuchh ishq ki khush-tar hai vaadi
ki jis vaadi mein hai har vaqt shaadi