Daaltaa hai dhamaal dil goyaa — Riyaz Shahid

aarzu-e-visaal tere liye
dil nahin haaraa jaan haari hai

chaahat ki bhalaa kaun sune raam-kahaani
is shahr ke sab log hain bahre use kahnaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ab is se baDh ke mohabbat kisi ko kyaa degi
kisi ki aankh kaa aansu kisi ki aankh mein hai

dard vahin zanjir vahin divaar vahin
'ishq se aakhir jhagDaa kyaa hai 'aali jaah

sazaa dete hain 'vaasif' sab ko vo jurm-e-mohabbat par
nahin mere liye koi sazaa ye hai sazaa meri

halki si khalish dil mein nigaahon mein udaasi
shaayad yunhi hoti hai mohabbat ki shuruaat