jhaDi aisi lagaa di hai mire ashkon ki baarish ne — Saail Dehlvi

aah kartaa huun to aate hain pasine un ko
naala kartaa huun to raaton ko vo Dar jaate hain

khat-e-shauq ko paDh ke qaasid se bole
ye hai kaun divaana khat likhne vaalaa

tumhein parvaa na ho mujh ko to jins-e-dil ki parvaa hai
kahaan DhunDun kahaan pheinki kahaan dekhun kahaan rakh di

janaab-e-shaikh mai-khaane mein baiThe hain barahna-sar
ab un se kaun puchhe aap ne pagDi kahaan rakh di

hain e'tibaar se kitne gire hue dekhaa
isi zamaane mein qisse isi zamaane ke

ye masjid hai ye mai-khaana taajjub is par aataa hai
janaab-e-shaikh kaa naqsh-e-qadam yuun bhi hai aur yuun bhi

pyaaso raho na dasht mein baarish ke muntazir
maaro zamin pe paanv ki paani nikal paDe

baarish ke baa'd raat saDak aaina si thi
ik paanv paaniyon pe paDaa chaand hil gayaa

baadalon ne aaj barsaayaa lahu
amn kaa har faakhta rone lagaa

chaand ne taan li hai chaadar-e-abr
ab vo kapDe badal rahi hogi

maaein darvaazon par hain
baarish hone vaali hai

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas