baadalon ne aaj barsaayaa lahu — Zafar Hameedi

jaane kis kirdaar ki kaai mere ghar mein aa pahunchi
ab to 'zafar' chalnaa hai mushkil aangan ki chiknaai mein

jab bhi vo mujh se milaa rone lagaa
aur jab tanhaa huaa rone lagaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

raaste aur bhi jaate hain udhar ko lekin
vo mire dil se guzartaa huaa ghar jaataa hai

dil ke andar bhi chaar khaane hain
koi kaise na bad-gumaan hogaa

na baat dil ki sunun main na dil sune meri
ye sard jang hai apne hi ik mushir ke saath