is Dar se rok rakkhe hain aansu 'said' ne — Saeed Ahmad Akhtar

ye miraa ilhaam hai vo miri tadbir hai
main na junun kaa asiir main na khirad kaa ghulaam

— Saeed Ahmad Akhtar

ek ham tinon mein mar jaae to chhap jaaegi
likh to rakkhi hai tiri prem kahaani main ne

— Saeed Ahmad Akhtar

sajda kahaan lagaa hai hamaari jabin kaa
charchaa hai phir falak pe tire dar-nashin kaa

— Saeed Ahmad Akhtar

shabaab tum se karegaa jo tum ne ham se kiyaa
tumhaaraa husn bhi niklegaa bevafaa mausam

— Saeed Ahmad Akhtar

aayaa thaa sun ke shahr mein daulat ki rel-pel
kal mill mein kaT ke mar gayaa beTaa kisaan kaa

— Saeed Ahmad Akhtar

mire to phuul bhi tum ho sabaa bhi khushbu bhi
nahin ho tum to nahin mere kaam kaa mausam

— Saeed Ahmad Akhtar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

intihaa ke qarib hai duniyaa
aadmi aakhiri sadi kaa huun

— Zubair Khayali