shabaab tum se karegaa jo tum ne ham se kiyaa — Saeed Ahmad Akhtar

ye miraa ilhaam hai vo miri tadbir hai
main na junun kaa asiir main na khirad kaa ghulaam

ek ham tinon mein mar jaae to chhap jaaegi
likh to rakkhi hai tiri prem kahaani main ne

sajda kahaan lagaa hai hamaari jabin kaa
charchaa hai phir falak pe tire dar-nashin kaa

aayaa thaa sun ke shahr mein daulat ki rel-pel
kal mill mein kaT ke mar gayaa beTaa kisaan kaa

sulag rahaa hai chaman mein bahaar kaa mausam
kisi hasin ko aavaaz do khudaa ke liye

mire to phuul bhi tum ho sabaa bhi khushbu bhi
nahin ho tum to nahin mere kaam kaa mausam

mauj-e-takhayyul gul kaa tabassum partav-e-shabnam bijli kaa saaya
dhokaa hai dhokaa naam-e-javaani is ko javaani koi na samjhe

bevafaa logon mein rahnaa tiri qismat hi sahi
in mein shaamil main tiraa naam na hone dungaa

khud vo karte hain jise ahd-e-vafaa se taabir
sach to ye hai ki vo dhokaa bhi mujhe yaad nahin

nazar se duur hain dil se judaa na ham hain na tum
gila karein bhi to kyaa be-vafaa na ham hain na tum

har darje pe ishq kar ke dekhaa
har darje mein bevafaaiyaan hain

be-vafaa tum baa-vafaa main dekhiye hotaa hai kyaa
ghaiz mein aane ko tum ho mujh ko pyaar aane ko hai