kaunain-e-ain-e-ilm mein hai jalva-gaah-e-husn — Sahir Dehlavi

ahd-e-misaaq kaa laazim hai adab ai vaaiz
hai ye paimaan-e-vafaa rishta-e-zunnaar na toD

qulzum-e-fikr mein hai kashti-e-imaan saalim
naa-khudaa husn hai aur ishq hai langar apnaa

mil-milaa ke donon ne dil ko kar diyaa barbaad
husn ne kiyaa be-khud ishq ne kiyaa aazaad

jo laa-mazhab ho us ko millat-o-mashrab se kyaa matlab
miraa mashrab hai rindi rind ko mazhab se kyaa matlab

aate hue is tan mein na jaate hue tan se
hai jaan-e-makin ko na lagaavaT na rukaavaT

qadam hai ain hudus aur hudus ain qadam
jo tu na jalve mein aataa to main kahaan hotaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

baazi-gaah-e-daar-o-rasan mein mai-kada-e-fikr-o-fan mein
ham rindon se raunaq hai ham durveshon se mele hain

kaTi hai umr bas ye sochne mein
mire baare mein vo kyaa sochtaa hai

kyaa tujhe ilm nahin teri razaa ki khaatir
main ne kis kis ko zamaane mein khafaa rakkhaa hai

log ye soch ke hi pareshaan hain
main zamin thaa to kyuun aasmaan ho gayaa