paanv saakit ho gae 'sarvat' kisi ko dekh kar — Sarvat Husain

saya-e-abr se puchho 'sarvat'
apne hamraah agar le jaae

shahzaadi tujhe kaun bataae tere charaag-kade tak
kitni mehraabein paDti hain kitne dar aate hain

kyuun girafta-dil nazar aati hai ai shaam-e-firaaq
ham jo tere naaz uThaane ke liye maujud hain

jise anjaam tum samajhti ho
ibtidaa hai kisi kahaani ki

ik daastaan ab bhi sunaate hain farsh o baam
vo kaun thi jo raqs ke aalam mein mar gai

teri aashufta-mizaaji ai dil
kyaa khabar kaun nagar le jaae

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

khaak-e-dil se hi uThe ab ke ghubaar-e-mahtaab
aasmaan se koi elaan nahin honaa hai

dil is tarah havaa-e-mohabbat mein jal gayaa
bhaDki kahin na aag na uTThaa dhuaan kahin

loTte rahte hain mujh par chaahne vaalon ke dil
varna yuun poshaak teri malgaji hoti nahin

ye dil ki be-qaraari khaak ho kar bhi na jaaegi
sunaati hai lab-e-saahil se ye reg-e-ravaan mujh ko