jise anjaam tum samajhti ho — Sarvat Husain

surmaa jis ke kinaaron se palaT aate hain
main ne kashti ko utaaraa hai usi paani mein

bhar jaaeinge jab zakhm to aaungaa dobaaraa
main haar gayaa jang magar dil nahin haaraa

paanv saakit ho gae 'sarvat' kisi ko dekh kar
ik kashish mahtaab jaisi chehra-e-dilbar mein thi

do hi chizein is dharti mein dekhne vaali hain
miTTi ki sundartaa dekho aur mujhe dekho

bujhi ruuh ki pyaas lekin sakhi
mire saath meraa badan bhi to hai

main kitaab-e-khaak kholun to khule
kyaa nahin maujud kyaa maujud hai

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

guhar lage the khunuk ungliyon ke zakhm mujhe
ab is athaah samundar ko phir khangaale kaun

nizaam-e-mai-kada saaqi badalne ki zarurat hai
hazaaron hain safein jin mein na mai aai na jaam aayaa

vo qulqul-e-minaa mein charche miri tauba ke
aur shisha-o-saaghar ki mai-khaane mein sargoshi

kuchh to apne liye bhi rakhnaa hai
zakhm auron ko kyuun dikhaaein sab