zindagi ik aansuon kaa jaam thaa — Shahid Kabir

is soch mein zindagi bitaa di
jaagaa huaa huun ki so rahaa huun

— Shahid Kabir

kaanTon ko pilaa ke khuun apnaa
raahon mein gulaab bo rahaa huun

— Shahid Kabir

be-sabab baat baDhaane ki zarurat kyaa hai
ham khafaa kab the manaane ki zarurat kyaa hai

— Shahid Kabir

mai-khaane ki baat na kar vaaiz mujh se
aanaa jaanaa teraa bhi hai meraa bhi

— Shahid Kabir

girne do tum mujhe miraa saaghar sambhaal lo
itnaa to mere yaar karo main nashe mein huun

— Shahid Kabir

tabaah kar gai pakke makaan ki khvaahish
main apne gaanv ke kachche makaan se bhi gayaa

— Shahid Kabir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq