Shahid Kabir

girne do tum mujhe mira saghar sambhal lo
itna to mere yaar karo main nashe men huun

tera kucha tira dar teri gali kaafi hai
be-Thikanon ko Thikane ki zarurat kya hai

aap ke dam se to duniya ka bharam hai qaa.em
aap jab hain to zamane ki zarurat kya hai

kaun hai apna kaun paraya kya sochen
chhoD zamana tera bhi hai mera bhi

Thukrao ab ki pyaar karo main nashe men huun
jo chaho mere yaar karo main nashe men huun

is soch men zindagi bita di
jaaga hua huun ki so raha huun

tabaah kar gai pakke makaan ki khvaahish
main apne gaanv ke kachche makaan se bhi gayaa

is soch mein zindagi bitaa di
jaagaa huaa huun ki so rahaa huun

kaanTon ko pilaa ke khuun apnaa
raahon mein gulaab bo rahaa huun

be-sabab baat baDhaane ki zarurat kyaa hai
ham khafaa kab the manaane ki zarurat kyaa hai

mai-khaane ki baat na kar vaaiz mujh se
aanaa jaanaa teraa bhi hai meraa bhi

zindagi ik aansuon kaa jaam thaa
pi gae kuchh aur kuchh chhalkaa gae