is soch mein zindagi bitaa di — Shahid Kabir

tabaah kar gai pakke makaan ki khvaahish
main apne gaanv ke kachche makaan se bhi gayaa

be-sabab baat baDhaane ki zarurat kyaa hai
ham khafaa kab the manaane ki zarurat kyaa hai

mai-khaane ki baat na kar vaaiz mujh se
aanaa jaanaa teraa bhi hai meraa bhi

girne do tum mujhe miraa saaghar sambhaal lo
itnaa to mere yaar karo main nashe mein huun

aap ke dam se to duniyaa kaa bharam hai qaaem
aap jab hain to zamaane ki zarurat kyaa hai

zindagi ik aansuon kaa jaam thaa
pi gae kuchh aur kuchh chhalkaa gae

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

vo kaun hain jinhein tauba ki mil gai fursat
hamein gunaah bhi karne ko zindagi kam hai

arsa-e-zulmat-e-hayaat kaTe
ham-nafas muskuraa ki raat kaTe

khushi kaa ek hi lamha thaa apni zindagi mein
sakhi aise ki vo bhi dusron ke naam kar aae