khudaa ke vaaste us se na bolo — Shaikh Zahuruddin Hatim

dil ki lahron kaa tul-o-arz na puchh
kabhu dariyaa kabhu safinaa hai

phaDkun to sar phaTe hai na phaDkun to ji ghaTe
tang is qadar diyaa mujhe sayyaad ne qafas

kabhu bimaar sun kar vo ayaadat ko to aataa thaa
hamein apne bhale hone se vo aazaar behtar thaa

meraa maashuq hai mazon mein bharaa
kabhu miThaa kabhu salonaa hai

dekhun huun tujh ko duur se baiThaa hazaar kos
ainak na chaahiye na yahaan durbin mujhe

bul-havas go karein tere lab-e-shirin par hujum
talkh mat ho ki miThaai se magas aati hai