dalil-e-taabish-e-imaan hai kufr kaa ehsaas — Shakeel Badayuni

har dil mein chhupaa hai tiir koi har paanv mein hai zanjir koi
puchhe koi in se gham ke maze jo pyaar ki baatein karte hain

'shakil' is darja maayusi shuru-e-ishq mein kaisi
abhi to aur honaa hai kharaab aahista aahista

be-taalluq tire aage se guzar jaataa hai
ye bhi ik husn-e-talab hai tire divaane kaa

ai mohabbat tire anjaam pe ronaa aayaa
jaane kyuun aaj tire naam pe ronaa aayaa

ab to khushi kaa gham hai na gham ki khushi mujhe
be-his banaa chuki hai bahut zindagi mujhe

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ik nazar ne kiyaa hai kaam tamaam
aarzu bhi to thi yahi dil ki

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

ik maasum parinda hai dil
un aankhon mein jaal hai saahab

jo dil baandhe vo jaadu jaantaa hai
miraa mahbub urdu jaantaa hai