shaam ne barf pahan rakkhi thi raushniyaan bhi ThanDi thiin — Shamim Hanafi

main ne chaahaa thaa ki lafzon mein chhupaa luun khud ko
khaamushi lafz ki divaar giraa deti hai

band kar le khiDkiyaan yuun raat ko baahar na dekh
Dubti aankhon se apne shahr kaa manzar na dekh

tamaam umr nae lafz ki talaash rahi
kitaab-e-dard kaa mazmun thaa paaemaal aisaa

bulandiyaan aasmaan ki surat zamin ke paanv chumti hain
zamin shaayad buland-tar thi zamin hi mein utar gayaa vo

vo ek shor saa zindaan mein raat bhar kyaa thaa
mujhe khud apne badan mein kisi kaa Dar kyaa thaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

maarka garm to ho lene do khun-rezi kaa
pahle shamshir ke niche hamin jaa baiTheinge

kabhi to shaam Dhale apne ghar gae hote
kisi ki aankh mein rah kar sanvar gae hote

jis jaa makin banne ke dekhe the main ne khvaab
us ghar mein ek shaam ki mehmaan bhi na thi

ab kaun muntazir hai hamaare liye vahaan
shaam aa gai hai lauT ke ghar jaaein ham to kyaa