kaise maanun ki zamaane ki khabar rakhti hai — Tahir Faraz

kyaa khabar thi aaegaa ik roz aisaa vaqt bhi
meri goyaai tiraa munh dekhti rah jaaegi

jab bhi TuuTaa mire khvaabon kaa hasin taaj-mahal
main ne ghabraa ke kahi 'mir' ke lahje mein ghazal

kaash aisaa koi manzar hotaa
mere kaandhe pe tiraa sar hotaa

taarikiyon ne khud ko milaayaa hai dhuup mein
saaya jo shaam kaa nazar aaya hai dhuup mein

jin ko nindon ki na ho chaadar nasib
un se khvaabon kaa hasin bistar na maang

aadmi huun vasf-e-paighambar na maang
mujh se mere dost meraa sar na maang

gham hai na ab khushi hai na ummid hai na yaas
sab se najaat paae zamaane guzar gae

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi