ahbaab puchhte hain baDi saadgi ke saath — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

yaarab hazaar saal salaamat rahein huzur
ho roz jashn-e-id yahaan jaavedaan basant

main ajab ye rasm dekhi mujhe roz-e-id-e-qurbaan
vahi zabh bhi kare aur vahi le savaab ulTaa

iid hai qatl miraa ahl-e-tamaashaa ke liye
sab gale milne lage jab ki vo jallaad aayaa

mere surkh lahu se chamki kitne haathon mein mehndi
shahr mein jis din qatl huaa main iid manaai logon ne

mai pi ke iid kijiye guzraa mah-e-siyaam
tasbih rakhiye saaghar-o-minaa uThaaiye

haasil us mah-laqaa ki diid nahin
eid hai aur ham ko eid nahin