dekhaa hilaal-e-eid to aayaa teraa khayaal — Unknown

idhar se taqaazaa udhar se taghaaful
ajab khinchaa-taani mein paighaam-bar hai

ehsaas baDhaa detaa hai har dard ki shiddat
mahsus karoge to kasak aur baDhegi

siine mein aabaad hamesha rahti hai
pahli mohabbat yaad hamesha rahti hai

jab tak bikaa na thaa to koi puchhtaa na thaa
tu ne kharid kar mujhe anmol kar diyaa

guzar to jaaegi tere baghair bhi lekin
bahut udaas bahut be-qaraar guzregi

gumaan kis par karein suufi idhar hai us taraf vaaiz
khudaa rakkhe mohalle mein sabhi allaah vaale hain

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

dost-daar-e-dushman hai e'timaad-e-dil maalum
aah be-asar dekhi naala naa-rasaa paayaa

kisi ko ghar se nikalte hi mil gai manzil
koi hamaari tarah umr bhar safar mein rahaa

dil naa-umid to nahin naakaam hi to hai
lambi hai gham ki shaam magar shaam hi to hai