udaasi kar rahi hai raqs-e-hijrat — Viral Desai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

mire aibon ko ginvaayaa to sab ne
kisi ne meri gham-khvaari nahin ki

pakkaa rasta kachchi saDak aur phir pagDanDi
jaise koi chalte chalte thak jaataa hai

kabhi ye gham thaa ki samjhaa nahin koi ham ko
aur ab ye Dar ki kisi ne samajh liyaa hi na ho