tamaam khalq-e-khudaa zer-e-aasmaan ki sameT — Waliullah Muhib

shaikh kahte hain mujhe dair na jaa kaaba chal
barhaman kahte hain kyuun yaan bhi khudaa hai ki nahin

jo apne jite-ji ko kunein mein Duboiye
to chaah mein kisi ki giraftaar hoiye

ai dil tujhe karni hai agar ishq se baiat
zinhaar kabhu chhoDiyo mat silsila-e-dard

raqib jam ke ye baiThaa ki ham uThe naa-chaar
ye patthar ab na haTaae haTe hai kyaa kiije

rahim o raam ki sumran hai shaikh o hindu ko
dil us ke naam ki raTnaa raTe hai kyaa kiije

kuchh na dekhaa kisi makaan mein ham
kahte hain laa-makaan mein kuchh hai

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa