butaan-e-hind mire dil mein hain dar aae hue — Zeba

ye baat baat pe zaahid jo TuuT jaataa hai
dil-e-hazin bhi hamaaraa tiraa vuzu kyaa hai

khudaa ki bhi nahin sunte hain ye but
bhalaa main kyaa huun meri iltijaa kyaa

hans ke phulon ko vo kareinge subuk
rang uDaaeinge ham anaadil kaa

huaa hai ishq mein kam husn-e-ittifaaq aisaa
ki dil ko yaar to dil yaar ko pasand huaa

pahle kyaa thaa jo kiyaa karte the taarif miri
ab huaa kyaa jo buraa ho gayaa achchhaa ho kar

aap ko kho ke tum ko DhunDh liyaa
hausla thaa ye mere hi dil kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil khush na huaa zulf-e-pareshaan se nikal kar
pachhtaae ham is shaam-e-gharibaan se nikal kar

main nigaah-e-paak se dekhe thaa tire husn-e-paak ko is pe bhi
mire ji mein khvaahish-e-vasl thi tire dil mein bos-o-kanaar thaa

hai roz-e-panj-shamba tu faatiha dilaa de
ghar tere kushtagaan ki ruhein na aaiyaan hon

muflis ke diye ki si tiraa daagh-e-dil apnaa
ik shab na jalaa bas-ki huaa shaam se maazul