huaa hai ishq mein kam husn-e-ittifaaq aisaa — Zeba

butaan-e-hind mire dil mein hain dar aae hue
khudaa ke ghar ko ghar apnaa hain ye banaae hue

ye baat baat pe zaahid jo TuuT jaataa hai
dil-e-hazin bhi hamaaraa tiraa vuzu kyaa hai

khudaa ki bhi nahin sunte hain ye but
bhalaa main kyaa huun meri iltijaa kyaa

hans ke phulon ko vo kareinge subuk
rang uDaaeinge ham anaadil kaa

pahle kyaa thaa jo kiyaa karte the taarif miri
ab huaa kyaa jo buraa ho gayaa achchhaa ho kar

aap ko kho ke tum ko DhunDh liyaa
hausla thaa ye mere hi dil kaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

pyaar ki baatein kijiye saahab
lutf sohbat kaa guftugu se hai

duniyaa mein koi ishq se bad-tar nahin hai chiiz
dil apnaa muft dijiye phir ji se jaaiye

taufiq jin ko maasiyat-e-ishq ki nahin
ai rahmat-e-tamaam gunahgaar vo bhi hain

hamaare aasmaan kaa har sitaara sab pe raushan hai
kisi zakhm-e-mohabbat ko nihaan ham ne nahin rakkhaa