Abr Ahsani Ganauri

آ رہی ہے یہ طور سے آواز آئے وہ جس کو تاب دید پہ ناز یہ تڑپ اور یہ آہ روح گداز ہائے ہیں اپنا خود نہیں ہم راز ہے وہیں ابتدائے سرحد ناز ہو جہاں ختم عقل کی پرواز وہ مقرر تو در کریں اپنا ڈھونڈ لے گی مری جبین نیاز ایک مضراب غم میں ٹوٹ گیا کتنا نازک تھا زندگی کا ساز پردۂ زیست اٹھا رہا ہوں میں اب تو اٹھ پردۂ حریم ناز ان کی نیچی نظر کا اوچھا تیر دل میں ہے مثل عمر خضر دراز وقت آخر نفس میں پاتا ہوں تیری رفتار ناز کے انداز کیسا گریاں ہے کیسا نادم ہے میری میت پہ میرا دنیا ساز ہر زمیں سیرگاہ تھی اپنی ہائے وہ ابرؔ قوت پرواز

aa rahi hai ye tuur se aavaaz

41 views

بیکسی کا حال میت سے عیاں ہو جائے گا بے زباں ہونا مرا گویا زباں ہو جائے گا شوق سے دل کو مٹا دو لیکن اتنا سوچ لو اس کے ہر ذرے سے پیدا اک جہاں ہو جائے گا دل کے بہلانے کو آؤ آج نالے ہی کریں آسماں کے ظرف کا بھی امتحاں ہو جائے گا وقت خود مانوس کر دیتا ہے اے تازہ اسیر چند دن رہ لے قفس بھی آشیاں ہو جائے گا ابرؔ میں کیا کہہ سکوں گا ان سے حال درد دل جو زباں سے لفظ نکلے گا فغاں ہو جائے گا

bekasi kaa haal mayyat se ayaan ho jaaegaa

41 views

فریاد ہے کہ میری نظر سے نہاں رہے اور جلوہ ریز آپ مکاں در مکاں رہے گھر بے نشاں قفس سے رہائی چمن میں برق اس بے بسی کے دور میں کوئی کہاں رہے روداد اپنے عشق کی گونگے کا خواب تھا تا زیست اپنے راز کے خود راز داں رہے تم کیوں اداس ہو گئے میدان حشر میں کہہ دو تو دل کی دل میں مری داستاں رہے منزل تھی دور راہ تھی غم خود شکستہ پا شوق طلب بتا تو سہی ہم کہاں رہے دنیا ہو ابرؔ یا وہ عدم ہو کہ بزم حشر ان کی ہی جستجو میں رہے ہم جہاں رہے

fariyaad hai ki meri nazar se nihaan rahe

41 views

قیدیوں میں نہ کرے ذکر گلستاں کوئی لے کے اڑ جائے نہ گلزار میں زنداں کوئی داغ ہائے دل ویراں پہ تعجب نہ کرو بس بھی جاتا ہے کسی وقت بیاباں کوئی شاید اس بات پہ لب میرے سیے جاتے ہیں آہ کے ساتھ نکل جائے نہ ارماں کوئی شدت درد نے فطرت ہی بدل دی دل کی نالہ ہو جاتا ہے بنتا ہے جو ارماں کوئی سختی راہ طلب دیکھ کے جی چھوٹ گیا ابرؔ وہ چھوڑ چلا جادۂ عرفاں کوئی

qaidiyon mein na kare zikr-e-gulistaan koi

41 views

وحشت زدوں کی کتنی دلچسپ ہیں ادائیں کچھ دیر خون روئیں کچھ دیر مسکرائیں حیران ہیں کدھر ہم بہر تلاش جائیں آتی ہیں ہر طرف سے ان کی ہی اب صدائیں گونجی ہوئیں ہیں میرے نالوں سے یہ فضائیں یا کالی کالی راتیں کرتی ہیں سائیں سائیں اس وقت خاص رہرو ہمت نہ ہار جائیں منزل قریب سمجھیں جب پاؤں ڈگمگائیں یہ دیکھنا ہے مجھ پر کیا بجلیاں گرائیں بدلی تو ہیں ہوائیں اٹھی تو ہیں گھٹائیں اف شرمگیں نگاہیں برباد کن ادائیں یہ نیمچے کسی کے دل میں نہ ڈوب جائیں اب ہچکیاں بنی ہیں رخ نزع میں بدل کر مایوس آرزوئیں ناکام التجائیں دل کی تباہیوں پر مسرور ہونے والے دل ہی نہ ہو تو تیرے جلوے کہاں سمائیں پہلے ہی سوچتے تم آہوں کا اب گلہ کیا جو بندھ گئیں ہوائیں وہ بندھ گئیں ہوائیں میں لفظ دوست سن کر ڈرتا ہوں دل ہی دل میں وہ مجھ سے ابرؔ کی ہیں احباب نے دغائیں

vahshat-zadon ki kitni dilchasp hain adaaein

41 views

وہیں سے حد ملی ہے جا پہنچتا کوئے جاناں تک رسائی سالکو جب عقل کر لے حد امکاں تک جنوں میں دست لاغر کا ہے قبضہ اس بیاباں تک جہاں سو منزلیں پڑتی ہیں دامن سے گریباں تک مرے دست جنوں کا زور اور پھر زور بھی کیسا کہ ہم راہ گریباں کھینچے لاتا ہے رگ جاں تک تمہیں تو کھیل تھا نظریں ملا کر منہ چھپا لینا یہاں نشتر ہزاروں رک گئے آ کر رگ جاں تک کفن میں کوئی دیکھے آج ان ہاتھوں کی مجبوری رہا کرتے تھے گردش میں جو دامن سے گریباں تک

vahin se had mili hai jaa pahunchtaa ku-e-jaanaan tak

41 views